Donostiako Bozeramaileen Batzordeak Hiritar Merezimenduaren Dominak jasoko dituzten pertsonak eta erakundeak adostu ditu gaur goizean. Erroak Sartu, Daniel Zulaika, Osakidetzako Hiesaren kontrol eta prebentzio planen koordinatzailea, Angel Garcia Ronda, idazle, politikari eta ekonomialaria eta Itxaropenaren telefonoa dira sarituak. San Sebastian bezperan emango dira dominak, Donostiako Udalbatzan. Udalerriari emandako aparteko zerbitzuak aitortzen dira domina horien bidez.
Hautagaiak aurkezteko orduan herri partaidetza oso handia izan dela nabarmendu du udal gobernuak. Azken urteotan baino proposamen gehiago jaso dituzte aurten; guztira, hamalau izen eta elkarte proposatu dituzte.
Donostiako Urrezko Danborra nork jasoko duen bihar jakinaraziko dute.
