Errumaniarrak, etxe okupatu batetik kanporatzear

Baionan dago etxea, Aturri ibai bazterrean. Hamabost bat errumaniar bizi ziren bertan, bost haurrekin, azken zazpi hilabeteotan. Atzo goizean pasatu zen Polizia, lekuak hustu behar zituztela abisatzeko. Arratsalderako, lekuak husten ari ziren, baina baliteke gaur goizean Polizia berrizhara joatea horrela dela segurtatzeko, eta, horrela ez bada, esku hartzeko. Haien kanporatzeko beharrezkoak diren baimen guztiak bazituela baieztatu zuen Jean-Rene Etxegaraik, Euskal Kostaldea-Aturri elkargoko presidenteak; eta ez kanporatzea «arriskuak» hartzea zitekeela. Ez diela beste bizitokirik aurkitu zehaztu zuen. «5.000 pertsona bizitoki baten zain da Baionan».