Ertzain bat zendu da arratsaldean Erriberagoitian, motoan zihoala auto batekin talka eginda, Eusko Jaurlaritzako Herrizaingo Sailak esan duenez. Gizonezkoa da hildakoa, 41 urtekoa. Arabako Ertzaintzako ikerketa taldeko kidea zen. Motoarekin praktikak egiten ari zen, iturri haren arabera.
Autoko gidaria zauritu egin da —28 urteko gizonezko bat—, eta Gasteizko Santiago erietxera eraman dute.
