Ehun ertzainek baino gehiagok gaur Bilbon egindako agerraldian salatu dute Iñigo Cabacasen heriotzaren ondoren "kriminalizatu" egin dituztela, eta Jaurlaritzako Herrizaingo Sailaren aldetik "baztertuta" sentitzen direla azaldu dute.
Erne, Esan, Sipe eta Euspel sindikatuek deitu dute elkarretaratzera, Deustu auzoko polizia etxearen aurrean; Ertzaintza guztiok gara leloa eraman dute.
Jose Luis Moreno bozeramaileak ertzainek egindako lana defendatu du, eta gezurtatu egin du Cabacasen heriotza eragin zuen jokabidean "arduragabekeriarik" egon zela.
"Nahiko gogogabetuta eta arduratuta" daudela gaineratu du Morenok. Horrekin batera, "egoerarekin bat egingo duen materiala" eskatu du, eta gomazko pilotak jaurtitzeko eskopeten erabileraren inguruko "argibideak" ematea galdegin dio Herrizaingo Sailari.
