Ertzainen erdiak ez du lortzen euskalduntzeko liberatu ostean bere postuaren euskara mailara iristea. Gaur egun urtean 60 ertzainek hartzen dituzte hiru hilabeteko liberazio partzialak lanean euskara ikasteko. 30ek lortzen dute soilik. EAJk galdera egin zion Rodolfo Ares sailburuari, eta horrek erantzunean esan du erdiak lortzen duela; Efe albiste agentziak eman du erantzunaren berri.
Gainera, 2.760 ertzainek bere postuak eskatzen duen euskara maila frogatuta duela esan du, %34,5. Gainontzekoek ez dute euren postuak eskatzen duen maila frogatuta. Ertzaintzaren 21. promozioan 140 ertzainetatik 58k zuten euren euskara maila frogatuta, %41,4.
Aresek erantzunean dio ertzainen artean euskalduntzea areagotzeko liberazio partzialak bultzatuko dituztela.
