Hiruretatik lehena atzo eguerdian atxilotu zuten, Bilboko Deustua auzoan. Gizon batek deitu zien ertzainei emaztea jo zuela aitortuz. 26 urte ditu gizonak, eta, kolpearen ondorioz, emakumea ezpainetan zauritu zuen.
Beste atxilotu bat ere izan da Bilbon, bart. Emakume batek bikotekideak jo eta mehatxatu duela salatu du. 32 urte ditu gizonak. Atxilotzeaz gain, urruntzeko agindua ezartzeko ere eskatu du emakumeak.
Lasarte-Orian 23:50ean izan da beste atxiloketa bat genero indarkeriarekin lotuta. Herritar batek ohartarazi du gizon bat Jaizkibel plazan emakume bati erasotzen ari zela, taberna batetik iletik tiraka arrastaka atera ondoren. 34 urte ditu erasotzaileak.
