Ostiralean hasiko da Euskaraldia, hizkuntza ohiturak aldatzeko helburuarekin. 11 eguneko ahalegin horretan parte harzteko prest agertu dira Ertzaintzako hainbat kide ere. Horretarako, ekimenean parte hartuko duten herritarrek paparrean eramango duten pinaren tokian, eskumuturekoak banatu ditu Segurtasun Sailak ertzainen artean.
Bihar hasiko da #EUSKARALDIA Segurtasun Saileko eta Ertzaintzako hainbat kidek bat egin dute ekimenarekin.
— Ertzaintza (@ertzaintzaEJGV) 2018(e)ko azaroaren 22(a)
Ertzainek eskumuturrean eramango dute pultsera berezia, #AHOBIZI ala #BELARRIPREST hautatu duten jarreraren berri emateko. pic.twitter.com/8UXVb29jen
Ahobizi izango dira batzuk eta Belarriprest besteak. Lehenek ulertzen duten guztiei euskaraz egiteko konpromisoa hartu dute eta bigarrenek, berriz, eurei euskaraz egiteko eskatzekoa.
Milaka herritarrek eman dute dagoeneko izena ekimenean. Baina badira oraindik azken orduan harekin bat egin nahi izan dutenak ere, horren ondorio da Euskaraldiaren webgunea blokeatuta izan dela tarte batean.
