EAEko Auzitegi Nagusiak bertan behera utzi zuen Ertzaintzaren lan deialdi publikoa joan den uztailean, Estatuko Abokatuari arrazoia emanez; berritze tasa ez zuela errespetatzen argudiatu zuen. 250 lanpostuko deialdia zen. Abokatuak erabaki hura gauzatu dadila eskatu du gaur; auzitegiaren erabakiaren aurkako errekurtsoa aurkeztua du jada Jaurlaritzak.
Eskaera horren harira, ERNE eta ELA sindikatuek kontzentratzera deitu dute Gobernuaren Bizkaiko Azpiordezkaritzaren aurrean, Bilbon, datorren irailaren 27an, goizeko 11:00etan. Bi sindikatuek gogorarazi dute 25. promozioko 254 ertzain daudela erabaki horren zain. Espainiako Gobernuari eskatu diote aurkeztu dituen errekurtso guztiak kentzea.
