Gobernuak behar adina neurri hartu dituela jakinarazi eta lanek bere horretan jarraituz gero egoera guztiz konpontzea posible dela defendatu du. Arriskuak konpontzeko baina, beharrezkoa izan da hasierako aurrekontua hirukoiztea.
Ingurumen ministroak esan du, Esako lur mugimenduak konpontzeko lanak “bere fruituak” ematen ari direla eta lur mugimenduak “ia guztiz” geratzea lortu dutela. Cuadrak gogorarazi dio Esa eraiki zuen ingeniariak “beldur handia” zeukala urtegia zabaltzeko lanak egitearekin.
Amaiurreko diputatuak, proiektuaren bilakaeraz aritu da osoko bilkuran eta arriskuak badaudela onartzeko eskatu dio Ingurumen ministroari. Orain arte “arduragabe” jokatu duela esan dio, ez baita hurbildu egoeraren inguruko azalpenik ematera Nafarroako Parlamentura.
