Eskola mikrobus batek istripua izan du Murietan, eta lau ikasle arin zauritu dira

Eskolara mikrobusean zihoazen lau ikasle arin zauritu dira NA-132 errepidean, Murietan (Nafarroa) parean. Nafarroako Gobernuko iturriek azaldu dutenez, mikrobusa errepidetik atera da, 07:47 aldera. Ikasle guztiak (adingabekoak dira) beren kabuz atera ahal izan dira ibilgailutik, baina lau Lizarrako Ospitalera eraman behar izan dituzte.