ESKOLA TXIKIAK, PANTAILA HANDIRA

Gipuzkoako eskola txikien eguneroko jarduna erakusten du Eskola bizi, herri bizia dokumentalak. Iñaki Alcalde dokumentalaren egileak eta Irati Aldazabal Eskola Txikietako Guraso Elkarteko kideak atzo aurkeztu zuten prentsaren aurrean, eta ostiralean emango dute, lehen aldiz, jendaurrean. Tolosako (Gipuzkoa) Leidor antzokian emango dute, 19:00etan. Igandean ospatuko dute eskola txikien jaia, Larraulen, eta han ere emango dute. Eskola txikiek herri eta auzo txikiei ematen dieten bizitasuna nabarmendu, eta herri proiektuak direla ohartarazi dute dokumentalarekin.