Festa giroan, jende ugari elkartu da Ikaztegietan, Gipuzkoako Eskola Txikien jaian. Ikaztegietako Herri Eskolak antolatu du jaia, eta eskolaren beraren bueltan atondu dituzte lau guneetatik bi: eskulanena bat, eta osasuna-baserria gai hartutako bestea. Hirugarren eta laugarren guneak kiroldegiaren inguruan prestatu dituzte: zirkua eta munduko jolasak.
Musika, jolasa eta festa ez dira falta izan. Arratsaldean ipuin kontalaria, Gorriti eta bere animaliak, eta apar festa egin dituzte.
