Ekainaren 8an Gure Esku Bidea giza katea girotzeko egitasmo bat aurkeztu du gaur Gure Esku Dago-k Gasteizen. Gaur hasi eta apirilaren 5a bitarte, Eskutik Eskura herriz herri arituko da. Helburua, Euskal Herriko hiri, auzo eta herrietan erabakitzeko eskubidearen aldeko “konplizitate eta konpromisoak eskutik eskura igarotzea” dela adierazi dute gaurko ekitaldian.
Hamar astez Hego Euskal Herriko hainbat txokotan eskitaldiak egingo dituztela aurreratu dute: "Euskal Herriaren etorkizuna libre eta demokratikoki erabakitzeko eskubidea gauzatzeko arrazoi ugari eta borondate sendoa dagoela haizeratuko ditugu".
