Jorge Fernandez Diaz Espainiako Gobernuko Barne ministroak jakinarazi du hauteskunde legea aldatuko dutela, "ETAren mehatxuarengatik" Hego Euskal Herritik joandako lagunek botoa eman ahal izateko. Lege erreforma egitea "teknikoki, juridikoki eta konstituzionalki posible" dela esan du ministroak.
Duela aste batzuk lege aditu batzuek mintegi bat egin zuten Madrilen gai horri buruz, eta gaur ondorioak aurkeztu ditu Fernandez Diazek.
Haren arabera, Espainiako Kongresuko taldeei aurki azalduko dizkiete ondorioak, eta adierazi du asmoa ez dela EAEko hurrengo hauteskundeetan pentsatuta egitea erreforma, "baizik eta datozen belaunaldietan pentsatuta egitea, justizia egin dadin".
