Atutxa Auzia
Espainiako Auzitegi Gorenak baliogabetu egin du Atutxa, Knörr eta Bilbao errugabetu zituen sententzia
Juan Mari Atutxa, Gorka Knörr eta Kontxi Bilbao auzipetu egin zituzten Eusko Legebiltzarreko Sozialista Abertzaleak taldea desegiteko agindua ez betetzeagatik. EAEko Auzitegi Nagusiak absolbitu egin zituen, baina Manos Limpiasek helegitea jarri zuen. Gaur, Espainiako Auzitegi Gorenak baliogabetu egin du Atutxa, Knörr eta Bilbao errugabetzen zituen sententzia.
Espainiako Auzitegi Goreneko Zigor Salak aho batez hartu du erabakia, Manos Limpiasek jarritako helegiteari erantzunez. Erabakia bista publikoa egin ostean hartu dute. Bista horretan, Luis Navajas Auzitegi Goreneko fiskalak EAEko Auzitegi Nagusiaren epaia berresteko eskatu dio Auzitegi Gorenari.
Iruzkinak
Ez dago iruzkinik
Ordenatu
