"Eusko Jauarlaritzak badaki oso ondo zein den gure jarrera. Terrorismoaren aurkako gure politika ez da aldatuko, eta espetxe politika ere ez da aldatuko", esan du gaur goizean Soraya Saenz de Santamaria Espainiako presidenteordeak gobernu kontseiluaren bileraren ondoren.
Iñigo Urkullu lehendakaria eta Mariano Rajoy Espainiako presidentea asteartean bildu ziren Madrilen, eta bilera ezkutuan gorde nahi izan bazuten ere, ondoren jakin zen Urkulluk espetxe politika aldatzeko eskatu ziola. Zehazki, euskal presoak pixkanaka aske uzteko galdegin zion.
Saenz de Santamariak, ordea, gaur esan du ETAk bide bakarra duela eta desegitea eta behin betiko desagertzea dela. "Planteamentu horrekin koherenteak izango gara, eta terrorismoaren kontrako politika horrekin argi jokatuko dugu".
