Ministroen Kontseiluan erabaki du Espainiako Gobernuak foru araua Auzitegi Konstituzionalera eramatea, Espainiako Konstituzioaren 149.1 artikulua urratzen duelakoan. Gobernuak uste du zigor araudia, zenbait osasun oinarri eta segurtasun publikoa urratzen dituela.
Nafarroako kalamu kontsumitzaileen kolektiboak arautzeko legea onartu zuen Nafarroako Parlamentuak iazko azaroan. PSN, Bildu, Aralar-NaBai, Ezkerra eta Geroa Bai agertu ziren lege proposamenaren alde, eta UPN eta PPN, berriz, aurka. 10.000 sinadura bildu ondotik iritsi zen gaia parlamentura.
