Euskal Herriko bakearen eta elkarbizitzaren alde izeneko foroa egitekoa zuten maiatzaren 29an Espainiako Kongresuan. Azkenean, ordea, ez dute egingo. Kongresuko Mahaiak bertan behera uzteko erabakia hartu du, "aho batez". Hasiera batean, oniritzia eman zion 50 diputatu inguruk egindako eskaerari.
Zenbait biktima elkartek, ordea, ez zuten begi onez ikusi topaketa, eta PPk Kongresuko Mahaiari gaia berriz aztertzeko eskatu zion. Gaur goizean jakinarazi du bertan behera utzi dutela foroa. Iazko apirilean egin zuten topaketa hori bera Madrilen.
[Youtube]https://youtu.be/lbvbvM6KdGE[/Youtube]
Topaketan parte hartzekoak ziren ETAren eta GALen zenbait biktima. Besteak beste, Rosa Rodero, Axun Lasa eta Luis Otero.
