Iñaki Arriola Eusko Jaurlaritzako Etxebizitza, Lan Publiko eta Garraio kontseilariak aurreikusitako azpiegitura inbertsioei "eustea" espero du, Espainiako Gobernuak gastu publikoan murrizketak egingo dituen arren. Inbertsio horietan AHT abiadura handiko trenaren Gipuzkoako obrak izango dira lehentasuna, Arriolaren arabera, eta horiek jarraitu egingo dutela dio. "Murriztekotan, aldaketa ez nabaritzea espero dugu", horretarako beste leku batzuetatik kendu behar badute ere.
Tabakalera Donostiako zentro garaikidearen proiektua da Jaurlaritzak aurtengo aurrekontuetan daukan beste inbertsio handietako bat, baina kasu horretan ez du gauza argirik esan Arriolak. "Lehenago Jaurlaritzaren aurrekontu osoa aztertu behar da, eta murrizketek nola eragingo duten, kasuz kasu erabakiak hartzeko". Odon Elorza Donostiako alkateak asteburuan iradoki du Tabakalerako lanak gelditu egin behar direla.
Pasaiako portua eta Hondarribiko aireportua ere aztergai izango ditu Arriolaren sailak.
azpiEGITURAK
Espainiako murrizketek EAEko inbertsio publikoari ez eragitea espero du Jaurlaritzak
Azpiegitura lanei eutsi egin nahi die Arriola kontseilariak, eta abiadura handiko trena lehentasun izango du.
Iruzkinak
Ez dago iruzkinik
Ordenatu
