Gaur 09:40ean sartu dira Rafa Diez eta Txelui Moreno auzipetuak Auzitegi Nazionalera. Eurekin batera sartu da Rufi Etxeberria ere. Epaiketaren bigarren saioan kazetari gutxiago hurbildu dira epaiketa jarraitzera.
Hala ere, goizeko anekdota Madrilen sindikatuen batzar batean parte hartzen ari diren sindikalista talde batena izan da. Epaiketa egiten ari zirela jakinik, Auzitegi Nazionalera gerturatu dira, eta Diez eta Morenorekin aritu dira hizketan, eurekin egoteko nahia azaldu ondoren.