Walter Wendellin, Dabid Soto, Aritz Ganboa, Unai Vazquez eta Gabi Basañez Askapena auziko absolbituak prest daude Espainiako Justizia Ministeriora jotzeko kalteordain eske, Wendellinek esan duenez. Eusko Legebiltzarreko Giza Eskubideen Batzordean izan da, Alfonso Zenon abokatuarekin batera.
Auzitegi Nazionalak joan den otsailean eman zuen absoluzioa, lagun haiek ETArekin zerikusirik izan ez zuela argudiatuta. Wendellinek adierazi du polizia operazioa 2010ean izan zela, hiru eta sei hilabete artean egon zirela preso, 60.000 euro arteko bermeak ordaindu zituztela behin-behinean aske geratzeko, Askapenaren eta beste erakunde batzuen kontuak blokatuta egon direla berriki arte, etxebizitzak enbargatuta izan zituztela eta pasaporteak, erretiratuta. Epaiketa "politikoa" izan zela ere azaldu du.
Ondorioz, "egia, justizia eta erreparazioa" eskatu ditu, eta "prest" daude "beste borroka judizial bat" hasteko.
Zenonek aipatu du epai batek absoluzioa emandako kasuetan Espainiako Justizian badela kalteordainak eskatzeko eskubiderik.
