Ezker abertzaleak espetxe politika aldatzera deitu du Espainiako Gobernua, eta horretarako "neurri zehatzak" hartzeko eskatu dio gaur. Neurri horiek normalizazioari aurre egiteko beharrezkotzat jo dituzte Txelui Morenok, Niko Morenok, Miren Legorburuk eta Maribi Ugarteburuk, eta aterabide demokratikoa bilatzeko nahikoa baldintza badagoela iritzi diote.
Normalizazioaren bidean pausorik ez duela eman Espainiako Gobernuak, eta dei egin diote sakabanaketarekin amaitzeko, gaixo eta behin behinean preso daudenak askatzeko eta Parot doktrina bertan behera uzteko. Bake prozesua atzeraezina dela azpimarratu dute, eta ezker abertzalea legeztatzeaz gain, espetxe politika aldatzea gakoa izango dela gaineratu.
Etzi Donostian 17:30ean Antigua auzotik abiatuta presoen eskubideen alde egingo den manifestazioarekin bat egin du ezker abertzaleak eta horretan parte hartzera deitu du. Egin Dezagun Bidea izango du leloa.
