Jorge Fernandez Diaz Espainiako Gobernuko Barne ministro berriak uste du "espetxe politika oso tresna indartsua eta balekoa" dela "ETA bukatzeko", eta, horretarako, "inteligentziaz eta legediaren esparruaren barruan jokatuta" ezarri nahi duela.
ETAk urriaren 20an jakinarazi zuen amaitutzat eman duela borroka armatua, baina Fernandez Diazek Onda Cero irratian adierazi du hori ez dela nahikoa, eta erakundeak desagertu egin beharko lukeela.
Euskal presoek besteekiko "pribilegiorik" ez dute izango, Barne ministroak azpimarratu duenez, "espainiar guztiak berdinak baitira legearen aurrean". Dena dela, euskal presoek euren eskaerak beteta ikus ditzaten, baldintzak dituztela esan du gobernuko kideak: damua adierazi behar dutela, biktimei barkamena eskatu behar dietela eta kalte-ordainak euren gain hartu behar dituztela.
