Basauriko kartzelaren parean berrehun bat lagun bildu dira eguerdian, bertan preso dauden Alfredo Remirez amurrioarrari eta Aitzol Gogorzari elkartasuna adierazteko.
200dik gora lagun bildu dira Basauriko espetxe aurrean Kalerak deitutako elkarretaratzean. @ErreHarriaLIBRE eta Aitzol Gogorza dituzte preso bertan pic.twitter.com/mk0DxrqjG2
— Aiaraldea.eus (@aiaraldea) 2017(e)ko abenduak 31
Remirez azaro hasieratik dago preso. Amurriokoari urtebeteko kartzela zigorra ezarri zioten, herriko jaien hasieran eta udaletxeko baloiik euskal preso bat irudikatzen zuen panpin bat irudikatzeagatik.
Gogorza errenteriarra, berriz, larriki gaixo dago. Auzitegi Medikuntzako Euskal Institutuaren txosten baten arabera: nahasmendu obsesibo-konpultsiboa, eta desoreka depresiboa, autolisi arriskuarekin.
Gipuzkoan, berriz, Martuteneko espetxea izan dute elkargune goizean Donostiatik eta Hernanitik abiatu diren bi zutabeek.
Martutenetik besarkada bana preso eta iheslari guztiei!! Etxean behar zaituztegu!! #GazteokZuekin#U13Bilbora#kalerapic.twitter.com/JaLorH88dA
— Ernai alde zaharra (@az_ernai) 2017(e)ko abenduak 31
Gipuzkoako martxan izan dira, besteak beste, Marian Beitialarrangoitia diputatua eta Sortuko idazkari Arkaitz Rodriguez.
Hain zuzen ere, ekitaldian hitza hartu du azken horrek eta "egiazko errelataren beharra" aldarrikatu du, eta nabarmendu bai ETAk eta baita EPPK-ko kideek ere izan duten "jarrera ausarta", prozesua etengabe oztopatzen ari den Espaniar estatuarekiko.
