«Frantziako eta Espainiako estatuek gure herriaren kontra erabili izan duten eta gaur-gaurkoz darabilten biolentziaren ondorioz galdu zuten bizitza gure senideek», adierazi zuten atzo estatu indarkeriaren biktimek. Argi utzi nahi izan zuten, ordea, ez zutela inor ordezkatzen, zenbait hildakoren senitartekoak zirela.
Denetara, hildako 22 pertsonaren senitartekoek sinatu dute adierazpena. Besteak beste, Jon Paredes Txiki, Joxean Lasa, Angel Berrueta, Jon Lopategi Pantu, Jose Migel Beñaran Argala, Xabi Kalparsoro, Santi Brouard, Rosa Zarra edo Igor Anguloren familiartekoek. Estatu indarkeriak eragindako biktimek euren izenak «harrotasunez eta ozenki erreibindikatzeko» egin zuten adierazpena. Etorkizunean euren oroimena ez baldintzatzeko edo bizitzak ez ezeztatzeko lanean jarraituko dutela adierazi zuten.
Estatu indarkeriak eragindako 22 pertsonaren senitartekoen adierazpena
Iruzkinak
Ez dago iruzkinik
Ordenatu
