Esteban Murillo presoari (Iruñea) egozten zizkioten delituak preskribituta daudela argudiatuta, Espainiako Auzitegi Nazionalak hura libre uzteko erabakia hartu du, Amnistiaren Aldeko Mugimenduak (AAM) jakinarazi duenez. Hain zuzen, asteartean laga zuten aske. Autoaren arabera, haren aurkako lehen inputazioa ustezko delitua izan zenetik hamabost urte baino gehiagora eman da.
Murillo 2008ko urrian atxilotu zuen Frantziako Poliziak, Bidarrain. Han hainbat urte zeramatzan bizitzen, bizimodu normala eta publikoa eginez, AAMk dioenez. Euroagindu bidez Espainiaratu egin zuten.
