'ETA EZ' KARTELA KENDU DUTE

Juan Karlos Izagirre Donostiako alkateak ETAren aurkako kartela kendu zuen udaletxeko balkoitik. ETA ez. Giza eskubideak eta bakezko elkarbizitza zioen kartela Odon Elorzak jarri zuen bere agintaldian. Izagirrek esan zuen kartela kentzeko arrazoiak «agerikoak» direla eta beste alderdiei atzo bertan eman ziela hartutako erabakiaren berri, goizeko bozeramaileen batzordean.