ETB1 kateak ikusle galera handia izan du azkeneko zortzi urteetan. 2003an %6,2ko ikusle kuota zuen eta ordutik behera egin du, 2011ko ekainean %1,4ko kuotara iritsi arte. Araba, Bizkaiko eta Gipuzkoako datuak dira horiek (Nafarroakorik ez dago).
2010eko ekainarekin alderatuta, euskarazko kateak puntu erdia galdu du. Jaitsiera are handiagoa da aurreko bi hilabeteetako datuei begiratuta. Apirilean %2,7ko ikusle kuota izan zuen ETB1ek Txapeldunen Ligako finalerdiei esker. Maiatzean %2,2ra jaitsi zen. Eta azken hilabetean bederatzi hamarreko galdu ditu. Audientziak neurtzen direnetik ETB1ek ez ditu hain datu txarrak izan.
ETB2 kateak %7,7ko ikusle kuota izan du ekainean, aurreko hilabetean baino bederatzi hamarreko gutxiago. Duela bi urteko ekainean %13,4ko kuota zuen ETB2k. 1992tik gaztelaniazko kate publikoak izan duen datu txikiena da aurtengo ekainekoa.
Euskadi Irratiak 122.000 entzule ditu egunero astegunetan.
