Etorkinei osasun arreta kentzea salatzea aztertzen ari da PSOE

MADRIL. Etorkinei osasun arreta kentzeko Espainiako Gobernuak onartutako dekretuaren aurka nola jo aztertzen ari da PSOE. Pertsonen eskubideak urratzen dituelakoan, Espainiako Auzitegi Konstituzionalean helegitea jartzea hausnartzen ari dira sozialistak, atzo Madrilen immigranteen elkarteekin egindako bilera baten ostean jakinarazi zutenez.