Askatasunak berretsi du "Euskal Herriari gerra egiteko tribunalak" itxi egin behar direla. "Ezinezkoa da konponbidea ahalbidetzeko prozesu batean, alde batek bere jarduera etengabe mehatxupean eta trabaturik duelarik konponbide justu eta demokratiko baterantz urratsak ematea", gaineratzen du Askatasunak oharrean.
Jon Enparantza abokatua eta Iñaki Etxaburu Etxerat-eko bozeramailea inputatu gisa deklaratzera deitu zituen Espainiako Auzitegi Nazionalak, 26 urte espetxean daramatzan Joxe Mari Sagardui Gatza-ren omenaldi batean parte hartu zutelako.
Atxiloketak
Etxaburu aske uztea erabaki du epaileak
Gaua Soto del Realeko espetxean igaro ostean, goizean eraman dute Estanis Etxaburu Etxerat-eko kidea epailearen aurrera. Atzo Jon Enparantza abokatuak egin zuen bezala, Etxaburuk ere uko egin dio deklaratzeari. Askatasunak prentsa ohar baten bidez jakinarazi duenez, epaileak Etxaburu aske uztea erabaki du. Hala ere, baina, Soto del Realeko espetxera eraman dute berriro eta bertatik tramitatuko dute bere kaleratzea.
Iruzkinak
Ez dago iruzkinik
Ordenatu
