Etxauriko frontoitik ikurrina kenarazi dute

ETXAURI. Nafarroako Gobernuak jarritako salaketaren ondotik, Etxauriko frontoiko ikurrina kenarazi dute auzitegiek. 2004an udaletxetik kenarazi zuten, eta ikurrinaren alde sortutako herri ekimenak frontoian jarri zuen. Hori ere debekatu dute orain. Egoera salatzeko, ikurrinaren aldeko ekitaldi bat egingo dute herri ekimenekoek igandean frontoian, 13:00etan.