ETXE OKUPATU ETA HUTSARAZIA

Iruñeko Arrotxapea auzoan okupatu berri zuten eraikina hutsarazi izana salatzeko, elkarretaratzea egin zuten atzo iluntzean udaletxearen aurrean. Poliziak protesta desegin nahi izan zuen, eta istiluak sortu ziren. Larunbatean hartua zuten eraikina, «espazio libre eta alternatibo bat» egiteko. Igande gauean, ordea, aterarazi zituen Poliziak. Haien arabera, ez zuten kanporatze agindurik eraman, eta «legez kanpokoa» izan zen kanporatzea. Lanean segituko dutela esan dute.