Etxean egindako lehergailu bat aurkitu dute Andoainen (Gipuzkoa) ertzain baten auto azpian jarrita. Kale garbitzaileek ikusi dute, goizeko hamarrak aldera, oraindik lehertu gabe zegoela.
Jaurlaritzako Herrizaingo Sailak agertu duenez, likido sugarriz betetako ontzi batekin eta suziri batekin osatu dute lehergailua. Aipatutako iturriaren arabera, euriak metxa busti du eta horregatik ez da lehertu. Autoa Nafarroa plazan zegoen. Ez dakite lehergailua noiz jarri duten ibilgailuaren azpian.
Nolanahi ere, eraso ahaleginak gaitzespen zabala jaso du. Hala nola, Andoaingo Udalean ordezkaritza duten alderdi guztiek (PSE-EE, EAJ, PP, EA eta EB), Espainiako Gobernuaren EAEko ordezkari Paulino Luesmak, Ertzaintzak Erne sindikatuak eta ELAk plazaratu dute gaitzespen oharra.
Erasoa
Etxean egindako lehergailu bat aurkitu dute ertzain baten auto azpian, Andoainen
Kale garbitzaileek aurkitu dute. Herrizaingo Sailaren arabera, euriak metxa busti du eta horregatik ez da lehertu. Alderdi eta erakunde askok gaitzetsi dute eraso ahalegina.
Iruzkinak
Ez dago iruzkinik
Ordenatu
