'Etxean ondo' proiektua jarriko dute abian Araban

GASTEIZ. Añanako kuadrillan (Araba) Etxean ondo programa jarriko dute abian, Eusko Jaurlaritzak eta Arabako Foru Aldundiak bultzatuta. Adinekoek edo mendekotasun bat dutenek etxean bizitzen jarraitu ahal izatea da proiektuaren helburua; edo, bestela, joan behar duten egoitza betiko inguruaren ahalik eta antzekoena izatea. Lehendik Gipuzkoako bost herritan dago martxan egitasmoa; orain, Añana kuadrillako udalerrietako 150 etxebizitzatara zabalduko dute. Bizkaian ere hasi dute programa.