Etxebizitza eraikin bat kiskali du suak Zaldibian

Zaldibiko (Gipuzkoa) etxebizitza eraikin batean sutea piztu da bart goizaldean, ordubiak eta hogei aldera, oraindik argitzeke dauden arrazoiak tarteko. Zehazki, Santa Fe kaleko 33. atarian gertatu da ezbeharra, eta etxe hori ez ezik, ondokoak ere hustu egin dituzte badaezpada, inor zauritu ez zedin. Arestian aipatu bezala, inor ez da zauritu sutean, baina emakumezko batek osasun zerbitzuen laguntza behar izan du nerbioetakoak jota.