Etxerat euskal preso eta iheslarien senideen elkarteak Gasteizen duen egoitza erasotu dute eta ordenagailuak eta dirua eraman dituzte egoitzatik. Bertan zeuden txosten eta paperak ere nahasi dituzte. Etxerat-ek jakinarazi du salaketa judiziala abian jarri dutela, eta gaineratu gertatutakoa "ez dela kasualitatea".
Bigarren aldia
Ez da lehendabiziko aldia Etxerat-en egoitza bat erasotzen dutela; abuztuaren 4an beste eraso bat jasan baitzuen egoitza berak. Orduan bere aurkako "presioa areagotzen" ari zela salatu zuen elkarteak eta "egundoko presio politiko eta mediatikoa" jasotako aste berean egoitzan sartzea ez zela "kasualitatea" izan.
Eraso hartan ere bi ordenagailu eta dirua lapurtu zizkieten.
