Etxerat-ek jakinarazi duenez, Gasteizko bere egoitzan lapurreta egin dute. Atzo 20:00ak aldera bizilagun batek udaltzainei deitu zien sarrerako atea "lehertuta" zegoela ikusi zuelako; horiek, berriz, Ertzaintzari deitu zioten. Suhiltzaileei abisua pasa eta lapurreta bat izan zela ziurtatu zutenean lokala zigilatu zuten.
Etxerat-ek salatu du ez dutela lapurretaren berri izan gaur goizera arte, ez Udaltzaingoak ezta Ertzaintzak ere ez die gertatutakoaren berri eman.
Egoitzara sartzean ikusi ahal izan dute ordenagailuak lapurtu dituztela. Etxerat-ek azken egunetan euskal preso politikoen kolektiboa jasaten ari den "jarraipen mediatikoa" salatu du; batez ere PPren aldetik, zehaztu dute. EAEko PPko presidente Antonio Basagoitik Gipuzkoako ahaldun nagusi Martin Garitanori "demokrazia prostituitzen duen proxeneta" deitu zion atz,o eta Zeledonen jaitsierara Etxerat-eko kideak joan izana kritikatu du.
