Euri Albisu euskal presoa libre geldituko dela jakinarazi du gaur Amnistiaren Aldeko Mugimenduak. Hamar mila euroko bermea ordainduko du Albisuk aske geratzeko.
Guardia Zibilak atxilotu zuen, 2010eko otsailaren 15ean. Atxiloaldian torturak jaso zituela salatu zuen Albisuk. Besteak beste, Soto del Real, Estremera eta Mansilla Espainiako espetxeetan eduki dute preso.
Ekain Mendizabal libre gelditu zen atzo, Espainiaratu ostean
Ekain Mendizabal euskal presoa libre gelditu zen atzo, Frantziak Espainiaratu ostean. 2006ko azaroaren 29an atxilotu zuen Frantziako Poliziak eta atzo bete zuen sei urteko espetxe zigorra. Frantziak Espainiaratu egin zuen eta orduan geratu zen aske, Madrilen, Barajasko aireportuan. Atzo bertan egin zioten Ordizian lehen harrera.
Azken egunak gose greban eman ditu, kanporatua eta atxilotua izateko arriskuaren aurrean.
