Europako Batzordeak dio aurrez prestatutako jaki izoztuetan atzemandako zaldi haragiarena "etiketa okerren arazoa" dela, eta ez "osasunerako arriskua".
Frederic Vincent EBko bozeramaileak adierazi du Europako Batasunak soilik osasunerako arrisku bat dagoenean esku hartu dezakeela, 2011ko udan E-coli bakterioaren kasuan bezala —4.000 kutsatze eta 46 hildako izan ziren Alemanian eta Frantzian—.
Horrekin batera, argitu du herrialdeei dagokiela frogatzea produktu batek legedia betetzen duen edo arrisku bat ekar dezakeen.
Azken egunetan Findus markako hainbat produktu kendu dituzte merkatutik Frantzian, Erresuma Batuan eta Suedian, behi haragiaren ordez zaldi haragia saltzen zutela frogatu ondoren.
