Konstituzioa aldatzeko lege proposamena izanez, bi aukera daude orain. Batetik, Parlamentuak eta Senatuak onartuko balute gehiengo soilez, erreferenduma antolatu beharko litzateke, Frantzia mailan. Bide itsua dela aitortu du Ervoasek. Bertze bidea litzateke gobernuak bere egitea proposamena eta aurkeztea lege egitasmo bat. Kasu horretan, asanbladan bildurik, diputatu eta senatarien hiru bostenak sostengatu beharko luke testua, onartua izateko.
Europako Hizkuntza Gutxituen Ituna onartzeak ez luke eskubiderik onartuko. Horrela aitortu du Ervoasek. Alta, proposamenean muga nabarmenak daude. Adminstrazioaren hizkuntza frantsesa dela dio. Aipamen horren interpretazioaren aurka dira Eblul taldean bildutako ordezkariak. Elkarte horretan dago Euskal Konfederazioa. Charles Moyac diputatu Berdeak eskatu du interpretazioa ahalbideratzen duten aipamenak kentzea baina batzordeak bertan behera utzi du eskaria.
