Europako Ministroen Kontseiluan euskaraz lehen aldiz

Euskara entzun ahal izan da lehen aldiz Europako Ministroen Kontseiluan, gaur. Miren Azkarate Eusko Jaurlaritzaren bozeramaile eta Kultura batzordeburuak hitz egin du bertan, gazteriari buruz. Azkareterentzat, “garrantzi sinbolikoa baino handiagoa du” gaurkoak.

Jaurlaritzaren bozeramaileak Europan euskara hizkuntza ofizial izatea eskatu du, eta euskararen etorkizuna bermatu egin behar dela esan du.