Etxerat elkarteak bulzatu du Europan barrenako martxa hori, eta "Espainiak zein Frantziak presoen eta haien senideen eskubide zibil eta politikoak urratzen" dituztela aldarrikatu eta jakinarazi nahi dute.
Ramon Gaztelumendi Etxerat-eko kideak gaur goizean Euskadi Irratian azaldu duenez, euskal preso politikoen egoera larria da. "Kolektiboaren %25 bakartuta dago une honetan. Hau da, oso egoera larrian daude: ziega batean bakarrik, eta, gainera ez nolanahiko ziegetan. Izan ere, oso itxiak dira, kristalen ordez sareak dituzte eta hezetasun handia izaten dute. Bakartuta daudenek ez dute ezer egiteko aukerarik, ez ikasteko, ez denbora pasatzeko. Funtsean, mendeku politika bat da, 'ustel daitezela' esan nahi duen dinamika jarri dute abian", azaldu du Gaztelumendik.
Presoak
Europan barrena dira euskal preso politikoen senideak, haien egoeraren berri emateko
Esukal preso politikoen senide eta lagunez betetako bi autobus eta furgoneta bat abiatu ziren atzo Donostiatik Europan barrena espetxeratuen egoeraren berri emateko. Bruselasen, Genevan, Berlinen, Milanen eta Parisen egingo dituzte geldialdiak, leku horietako politikari, sindikalista, gizarte mugimendu, Elizako ordezkari eta komunikabideekin biltzeko. Hilaren 12a arte iraungo du birak, eta denbora horretan guztian gose greban egongo dira ekimeneko partehartzaileak.
Iruzkinak
Ez dago iruzkinik
Ordenatu
