Etxean egindako lehergailu bat zartarazi dute bart goizaldean Euskadiko Kutxaren bulego batean, Iruñean. Zehazki, 02:45 aldera izan da leherketa Julian Gaiarre kalean, Euskadikok Kutxaren bulegoko kutxa automatikoa dagoen lekuan.
Espainiako Gobernuaren Nafarroako Ordezkaritzak agertu duenez, kutxa automatikoa ibiltzen ez dela geratu da erasoaren ondorioz, baina Poliziak kalte handiagoak izatea eragotzi du. Izan ere, iturri horien arabera, poliziek azkar samar lortu dute leherketak eragindako sutea itzaltzea.
Gobernuaren Ordezkaritzak "irmo" gaitzetsi du erasoa, eta elkartasuna adierazi die Euskadiko Kutxari eta banku horretako langileei.
Erasoa
Euskadiko Kutxaren bulego bati eraso diote Iruñean, etxean egindako lehergailu batekin
Iruzkinak
Ez dago iruzkinik
Ordenatu
