«Euskal burgesia berria Bildun eta Amaiurren sartzen ari da»

Azken hilabeteetan gizartea «Bildumania batean» murgilduta dagoela dio Joseba Egibarrek. Eta ez hori bakarrik. «Euskal Herriko burgesia berria Bildun eta Amaiurren sartzen ari da», adierazi du Euskadi Irratian. «Burgesia berria diodanean, ez naiz ari modu peioratiboan», zehaztu du: «Hemen, jende dirudun asko horietara hurbildu da botoa ematerakoan».

Ezker abertzaleak orain arte izan duen «estrategiaren» aurka gogor egin du ondoren. «Presoak eta biktimak estrategia oker baten ondorio dira; estrategia politiko-militar baten ondorioa besterik ez».