Euskal gatazkaren inguruko konferentzia bat egingo dute gaur Europako Parlamentuan, Bruselan, 16:30etatik aurrera. Prisoners: Key to peace? Promoting the Resolution of the Conflict in the Basque Country izenburupean, espetxe politikaz eta presoen auziaz jardungo dute eragile ezberdinek.
Hain justu, lau izango dira hizlariak: Robert McBride, Hegoafrikako preso ohia; Avila Kilmurray, Ipar Irlandako Community Foundation-eko zuzendaria; Gabi Mouesca, euskal preso ohia eta Observatoire international des prisons-eko zuzendari ohia; eta Nelly Maes, Flandriako Bake institutuko zuzendaria eta Bakearen Bidean nazioarteko ekimenaren sinatzailea.
Friendship Europako Legebiltzarrean Euskal Herriko bake prozesuaren alde dagoen babes taldeak eta ALE-Berdeak Europako Parlamentuko taldeak antolatu dute mintegia.
Konferentzia zuzenean ikusteko aukera izango da streaming bidez, esteka honetan: greenmediabox.eu/live/prisoners-key-to-peace.
