Euskal Herria Zuzenean musika jaialdi bat baino gehiago da; kaleko artea, haurren txokoa, hitzaldiak eta beste hainbat jarduera biltzen ditu hiru egunetako egitarauak.
Hogeigarren urtea du jaialdiak aurten. Bere oinarriak berresteko baliatuko dutela adierazi dute antolatzaileek. Asteburuan jende askoren helmuga izango da, beste urtebetez. Lekorne (Lapurdi) inguruko haurrek izan dute lehen hitzordua; goizean EHZttipiZ ospatu dute. Bero handia egin badu ere, une atsegina izan dute gaztetxoek.
Eguraldia bero eta dena prest @ehzfestibala hasteko Lekornen! Jendea bertzerik ez da falta! @berria@IEHkohitzapic.twitter.com/BqUIQGBJ2w
— Maddi Ane (@mtxoperena) July 3, 201518:30ean Emakumeak eta sorkuntza hitzaldiaren txanda izango da, eta 03:10ak arte kontzertuak egongo dira, etenik gabe: Tania de Sousa, Bilbomatiks, Woods, The Offenders, Random Recipe, Kuma no Motor, Deluxe, Last Train, Skip & Die eta Polygorn.
Guztira beste 39 jarduera antolatu dituzte larunbaterako eta iganderako, horietatik 26 kontzertuak: Skakeitan, Berri Txarrak eta Anestesia, besteak beste.
2012tik jaialdia Lekornen kokatzen bada ere, gunez aldatzen joan da bere sorreraz geroztik: Arrosan (1996-2003), Idauze-Mendin (2004-2008), Heletan (2009-2012) eta Lekornen (2012tik aurrera).
