Bero handienak Kantauri aldeko barnealdean espero dira, baina iragaite eremuan eta Ebro ondoko eskualdean zein Iruñean tenperaturak hein berean egonen dira, hau da, 35-36 gradu bitartean. Ipar Euskal Herrian Paueko prefekturak alerta laranja ezarri du indarrean. Meteo Francen arabera, arriskua bikoitza da. Batetik beroak jendearen trenputxartzea eragin dezake eta, bertzetik, ekaitz bortitzen arriskua eragin dezake beroak. Eremu mugatuan joko luke ekaitzak kasu horretan, baina indar handiz .
Gipuzkoa, Bizkaia eta Lapurdi kostaldean haize leuna ibili zen atzo tarteka. Gaur, aldiz, hegoaldeko haizearen eragina espero da eta horrek tenperaturen emendatzea eraginen du, beroa itogarriagoa bilakatuz.
Kantauri kostaldean gutxieneko tenperaturak 22 gradukoak izan dira goizaldean eta egunean zehar aise gaindituko dituzte atzoko beroak, 32 graduak eta gune batzuetan 35 graduko heina ere gaindituz. Kantauri barnealdean gaua freskoagoa izan da baina egunean kostaldean baino bero handiagoa eginen du. 36 gradu espero dira baina puntu batzuetan gehiago ere izan daitezke. Iragaite zonan eta Ebro ondoko eskualdean ere goreneko tenperaturak 36 gradu inguruan egonen dira.
OSASUN NEURRIAK. Bai Paueko Prefekturak zein EAEko meteorologia eta klimatologiak zuhur ibiltzeko deia egin dute. Egunean bi aldiz freskatzeko eskatzen diete herritarrei, saihesteko kirola egitea gune eguzkitsuetan eta ur franko edateko. Haur txikien eta adineko jendeen kasuan, hidratazioa zaintzeko eskatzen dute. Baionan, adibidez, suhiltzaileek ateraldiak egin behar izan zituzten atzo adineko jendeari laguntza emateko.
TenPeraTuraK
Euskalmetek eta INEk tenperatura beroenen aurreikuspena egin dute aste honetarako Hego Euskal Herrian, eremu klimatikoen arabera. Kantauri aldeko barnealdeak Bizkaia eta Gipuzkoa hartzen ditu; iragaite eremuak, berriz, ia Araba osoa.
Gaur
Kostaldean: 31.
Kantauri aldeko barnealdean: 36.
Iragaite eremuan: 35.
Ebro ondoko eskualdean: 35
Iruñean: 35.
Lekarozen / Baztanen: 33.
Izaban / Erronkarin: 34.
Tuteran: 35.
Bihar
Kostaldean: 28.
Kantauri aldeko barnealdean: 32.
Iragaite eremuan: 31.
Ebro ondoko eskualdean: 32.
Etzi
Kostaldean: 29.
Kantauri aldeko barnealdean: 32.
Iragaite eremuan: 31.
Ebro ondoko eskualdean: 31.
Eguraldia
Euskal Herrian alerta egoera ezarri dute, bero boladagatik
Gaur bero handiagoa eginen du eta osteguna bitartean ez da apalduko. Bero boladak ez du baretzeko betarik eta Nafarroa Beherean, Zuberoan, Lapurdin, Gipuzkoan, Araban eta Bizkaian alerta egoeran daude. Asteburukoek gora eginen dute gaur eta ez da egoera aldaketarik espero osteguna aitzin. Bihartik aitzina, hala ere, tenperaturak doi bat apalduko direla iragartzen dute meteorologia zerbitzuek.
Iruzkinak
Ez dago iruzkinik
Ordenatu
