Politikariek, artistek, kirolariek, hezitzaileek eta beste hainbat alorretako lagunek manifestu bat irakurriko dute, Aieteko Adierazpenari eta oro har Euskal Herriko bake prozesuari babesa adieraziz. Horrela, "gatazka politikoaren konponbidea bultzatu" nahi dute.
Argentinako Senatuko Gela Urdinean izango da ekitaldia, eta parte hartuko dutenen artean daude Adolfo Perez Esquivel Bakearen Nobel sariduna, Alberto Spektorowski HNT Harremanetarako Nazioarteko Taldeko kidea eta Paul Rios Lokarriko koordinatzailea —Lokarri da antolatzaileetako bat da, Hego Amerikako hainbat erakunderekin batera—.
Ekainean, Aieteko bidea babestu zuten Uruguain. Uruguai topaketa Euskal Herriko bakearen alde izeneko jardunaldiak egin zituzten parlamentuan.
