Euskal Herriko Gazteriaren Kontseiluak ildoak zehaztu ditu

«Gazteriaren hitza eta erabakia bideratzeko» Gazteriaren Biltzarra egin dute gaur Euskal Herriko Gazteriaren Kontseiluko (EHGK) 300bat kideak, Andoaingo (Gipuzkoa) Bastero kulturgunean. EHGK-k hurrengo hilabeteetan sustatu eta bultzatuko dituen egitasmoak «denen artean erabakitzeko eta adosteko» saioa izan da.

Gazteriaren Biltzarra hiru ataletan banatu dute. Batetik, aurrerantzean EHGKtik garatu beharreko ildoak zeintzuk diren eztabaidatu eta adostu dute, eta etxebizitzen gaia eta gazte esparruarena lantzea erabaki dute. Bestetik, «gazteriaren eskubideak bermatzeko beharrezkoak diren egitasmoen ingururuan» aritu dira, eta salaketak bideratzeko zerbitzua martxan jartzea erabaki dute. Azkenik, «maila orokorragoan» garatu beharreko egitasmoak zehaztuko dituzte: Nafarroako Gazte Kontseiluarekin eta Euskadiko Gazte Kontseiluarekin garatuko dugun lankidetza, eta nazioartean landu nahi dituzte harremanak.

«Euskal Herriko edozein gaztek du parte hartzeko aukera. Parte hartze hori aktiboa izango da, bertaratzen den edozienek izango baitu bere hitza agertzeko aukera».

Andoaingo sarrera irteeretan kontrol gogorrak jarri ditu Guardia Zibilak, eta geldituta eduki dituzte hainbat gazte.