Abiadura Handiko Trena
Euskal Y-aren proiektua gelditzeko eskatu du AHT Gelditu Elkarlanak
AHT Gelditu Elkarlana platafomako kideek Euskal Y-aren proiektua gelditzeko eskatu dute gaur Eusko Jaurlaritzak Bilbon duen egoitzaren aurrean, eta "garraio eta lurralde ereduaren inguruko eztabaida berriz irekitzeko" galdegin dute. Agustin Garcia plataformako kideak adierazi duenez, proiektu horrek "ez du justifikaziorik", eta gainera "kostu ekonomiko, sozial eta ekologiko onartezinak" dituela salatu du.
AHT Gelditu Elkarlana platafomako kideen arabera, "euskal gizartean AHTren aurkako jarrera nabaria" dago, eta Eusko Jaurlaritzak eta Espainiako Sustapen Ministerioak "harrokeriaz eta inposaketaz jokatzen" dute. Eusko Jaurlaritzak datorren urtearen amaieran AHT eraikitzeko lanak hasteko asmoa duela azpimarratu du Garciak, "Madrileko Gobernuarekin bat datorren politika bat oinarrian jarriz".
Iruzkinak
Ez dago iruzkinik
Ordenatu
